Павлодар, Успен аудандарында өңірдің ауылшаруашылығы тауар өндірушілерімен жыл сайынғы кездесу өтіп, ауылшаруашылығы саласын дамытудың жоба-жоспары және алдағы 2025 жылғы көктемгі дала жұмыстарына дайындық барысы талқыланды.
Іс-шара ауылшаруашылық техникалары көрмесінен басталып, қатысушылардың назарына аграршыларға қажетті кешендердің жаңа үлгілері таныстырылды. Сондай-ақ агроөнеркәсіп кешенін мемлекеттік қолдаудың тетіктері мен субсидиялаудың жолдары қарастырылды.
— Өткен жылғы тәжірибе көрсеткендей, күзгі кезеңде мол жауын-шашынның түсуіне байланысты дәнді дақылдардың кеңеюі және астық сапасының төмендігі сатып алу бағасының төмендеуіне және жалпы көлемнің сатылмауына әкеп соқтырды, ал майлы дақылдардың құны дәнді дақылдардың құнынан үш еседен астам жоғары болды. Ағымдағы жылы ауылшаруашылығы дақылдарының егіс алқаптарын 1669,6 мың гектарға орналастыру жоспарлануда. Бұл егістерді әртараптандыру жөніндегі болжамды алқаптарға сәйкес келеді және 2024 жылғы көрсеткіштен 104,3 мың гектарға артық. Монокультурадан күтім әлеуметтік маңызы бар және жоғары рентабельді дақылдардың (күнбағыс, қарақұмық, жасымық) егістік алқаптарын ұлғайтуға мүмкіндік береді.
Өңірлерде берік жемшөп базасын құру бойынша жұмыстар жүргізілуде. Ол үшін ағымдағы жылы жемшөп дақылдарының алқаптарын 18,8 мың гектарға ұлғайту және оларды 300 мың гектарға дейін жеткізу жоспарлануда. Көктемгі дала жұмыстарын жүргізуге 27,6 мың тонна арзандатылған дизель отыны бөлінді. Бұл өткен жылдан 1,9 мың тоннаға немесе 7,4 пайызға артық, — деді облыстық ауылшаруашылығы басқармасының басшысы Дархан Дощанов өз сөзінде.
Басқарма басшысының айтуынша, бүгінгі таңда Мемлекет басшысының тапсырмаларын орындау шеңберінде барлық өңірлерге ғылыми негізделген қажеттілікке сүйене отырып, тыңайтқыштар енгізу бойынша индикаторлар жеткізілген. 2025 жылға арналған минералды тыңайтқыштарды тиеп-жөнелтудің жоспарланған көлемі 122300 тоннаны құрайды. Қазіргі уақытта 1700 тоннаны тиеп-жөнелту туралы шарттар жасалып, 200 тоннасы тиеп-жөнелтіліпті.
— Минералды тыңайтқыштарды сатып алу және енгізу бойынша барлық шараларды қабылдау қажет. Бұл ретте, аванстық есеп қолданылады. Атап айтсақ, «ҚазАзот» АҚ зауыттары арқылы, «Қазфосфат» АҚ тыңайтқыштарды сатып алу кезінде тыңайтқыштарды босату үшін ауылшаруашылығы тауарын өндірушілерге жалпы соманың 40 пайызын төлейді. Ауыспалы өтінім бойынша 60 пайызын ауылшаруашылығы тауарын өндірушілердің өтінімі расталғаннан кейін зауыттар алады. Мысалы, аммиак селитрасының жалпы құны тоннасына 105000 теңгені құраса, шаруалар бұл соманың 40 пайызын немесе тоннасына 42000 теңге төлейді, — деді Д.Дощанов.
Айта кетейік, бүгінгі күні агроөнеркәсіп субъектілерін қолдауға жалпы 27,9 миллиард теңге субсидиялар бөлініп отыр. Қазіргі уақытта күту парағында 9656,4 миллион теңге сомасына 6230 өтінім бар.
Естеріңізге сала кетсек, 2024 жылғы мамырда ережеден шетелдік өндірістің ауылшаруашылығы техникасын субсидиялау алынып тасталды. АӨК субъектілерінің сатып алынған ауылшаруашылығы техникасын субсидиялауға мүмкіндік беру туралы бірнеше рет өтініш жасауына байланысты өткен жылғы 25 мамырға дейін сатып алынған шетелдік ауылшаруашылығы техникасы мен жабдықтарын субсидиялауды көздейтін №1.2 «Аспалы және тіркемелі ауылшаруашылығы техникасын сатып алу» жобасының паспорты қосылды.
Бұдан бөлек, 2025 жылы «Бәйтерек» АҚ құрылымдық бөлімшелерімен кредиттеуге 38,6 миллиард теңге, оның ішінде «Аграрлық несие корпорациясы» арқылы 18,6 миллиард теңге, «Қазагроқаржы» арқылы 20 миллиард теңге қарастырылған. Көктемгі егіс жұмыстарына кредит беру өткен жылдың қараша айынан басталды, жалпы «Аграрлық несие корпорациясы» арқылы ағымдағы күні 2,5 миллиард теңгеге
44 кредит берілді.
