Саха Республикасындағы Эбэлээх кен орнынан салмағы 52 грамм болатын гауһар тас табылды.
Бағалы тасты мамандар алмазды кен орнының топырағын тазалау кезінде анықтаған. Графит, сульфид сияқты химиялық қоспасы бар зергерлік алмас мөлдір кристалдармен көмкерілген. Қазір ол сараптамалық бағалауға жіберілді. Мамандардың айтуынша, көлемді гауһар тас осымен екінші рет Эбэлээх кен орнынан табылған. Былтыр қыркүйекте салмағы 78 грамм кристалл анықталған. Бұл – кейінгі он жылдағы Ресейден табылған ең үлкен бағалы тас.
