«Жастар ресурстық орталығының» бастамасымен кәсіби жастардың «Профи-2022» облыстық байқауы өтті.
Облыстағы жұмысшы жастар арасында үздіктерді анықтау, олардың кәсіби шеберлігін қолдау және дамыту, еңбек нарығында олардың бәсекелестігін арттыру, жұмысшы мамандықтарының қоғамдағы беделін көтеру, өнеркәсіптің дамуына жәрдемдесу, өнімдерді дайындау мен безендірудегі прогрессивті бағыттарды анықтау мақсатында ұйымдастырылған байқауда Вarbershop, визажист, маникюр ісінің шебері, дәнекерлеуші, кондитер номинациялары бойынша облыстың кәсіби жастары өз шеберліктерін сынға салды.
Қазылар алқасы жастардың жұмысын бағалай келіп, үздіктерді анықтады. «Кондитер ісінің шебері» номинациясында А.Жармахан, «Маникюр ісінің шебері» номинациясында А.Айдынқызы, «Barbershop» номинациясында А.Марданов, «Дәнекерлеуші» номинациясында А.Ибраймов, «Визажист» номинациясында Н.Аманбек жеңімпаз атанды. Жеңімпаздар мен жүлдегерлерге Дипломдар мен бағалы сыйлықтар табысталды.
