Оқудың ерте-кеші жоқ. Сөзімізге дәлел – 69 жастағы түркиялық Кадрие Ышыклы. Ол қазір Түркістандағы Ахмет Ясауи университетінде білім алып жүр.
Кадрие ханым бұған дейін Түркияда «Туризм» мамандығы бойынша жоғары оқу орнын тәмамдап, 20 мемлекетті шарлаған. Зейнеткердің елімізге келгеніне небәрі 1,5 ай болса да, мемлекеттік тілді меңгеріп қалған. «Ендігі мақсатым – Орта Азия елдерімен танысып, бауырлас халықтың мәдениетін насихаттау», дейді ол.
