Бәріміз де ұйықтап бара жатқанда аяқ-қолдың кенет дір ете қалуын сезгенбіз. Бұл құбылыс ғылымда «hypnic jerk» деп аталады.
Ғалымдардың бір нұсқасы бойынша, ми дененің босаңсуын «биіктіктен құлап бара жатыр» деп қате түсінетін сәт болады. Сол кезде денені тез оятып үлгеру үшін жүйке жүйесі бұлшықеттерге шұғыл сигнал жібереді. Қызығы, бұл құбылыс адам эволюциясындағы қауіптен сақтану рефлексінің қалдығы болуы мүмкін. Яғни, ежелгі ата-бабамыз ағаш бұтағында ұйықтап жатып құлап кетпеу үшін пайда болған қорғаушы механизм.
