Вьетнамдық Тай Нгок есімді азамат 1973 жылдан бері бірде-бір рет көз ілмеген. Сол жылы сырқаттанып қалғаннан кейін, оның ұйқысы мүлде жоғалған.
Тай Нгокті дәрігерлер бірнеше рет тексеріп, денсаулығынан ешқандай ауру-сырқау белгілерін таппаған. Жүрек-қан тамырлары жүйесі де, жүйке жүйесі де – бәрі қалыпты. Қызығы, ол күнделікті тұрмысын өзгелер секілді жалғастырып жүр: шаруамен айналысады, тамақ дайындайды. Ғалымдар әлі күнге дейін бұл құбылысты нақты түсіндіріп бере алмай отыр. Бұл – адам ағзасының бейімделу мүмкіндігі шексіз екенін дәлелдейтін ерекше оқиға.
