Алматы облыстық «Бәйге» федерациясының ұйымдастыруымен «Жыл үздігі – 2024» салтанатты жиыны өтті.
Жиын Алматы облысының әкімі Марат Сұлтанғазиевтың құттықтау сөзінен басталды. Аймақ басшысы елімізде дәстүрлі мәдениеттің белсенді түрде жаңғырып келе жатқанын атап өтті. Тарихы тереңде жатқан ұлттық спорт түрлері жақсы серпін алып, соңғы жылдары Қазақстанда жетекші рөлдерге ие болды.
– Қазақстан Республикасының Президенті Қасым-Жомарт Тоқаев ұлттық спорт түрлерін белсенді дамыту қажеттігін жыл сайын айтып келеді. Ауданымызда бұл жұмыс айтарлықтай жоғары деңгейде жүргізілуде. V Дүниежүзілік көшпенділер ойындарында Алматы облысынан 9 спортшы Қазақстан құрама командасының сапында 2 алтын, 1 күміс және 1 қола медаль жеңіп алды. Бұл біздің облыс үшін үлкен жетістік. Атқа міну – ата-бабамыздан қалған өнер. Бір қуантарлығы, қазіргі таңда жастарымыздың арасында жылқы өсірумен және баптаумен айналысатындар қатары көбейіп келеді, – деді аймақ басшысы.
Іс-шарада 10 спортшы мен жаттықтырушы Алматы облысы әкімінің Құрмет грамотасымен марапатталды. Олардың қатарында биылғы жылдың қыркүйек айында Астана қаласында өткен 5-ші Дүниежүзілік көшпенділер ойындарының жеңімпаздары бар.
Ал 17 жастағы Алдияр Уайсхан ерекше құрметке – «Ұлы дала батыр» төсбелгісіне ие болды. Ол Д.Қонаевты еске алуға арналған жарысқа қатысушылардың бірін өлім аузынан аман алып қалған болатын.
– Осыдан екі жыл бұрын Қарасай өңірінде өткен құнан бәйгеде қатысушылардың бірі ер-тоқымда қалып қойды. Осыны көріп, мен жас жігітті қуып жетіп, оның орнынан тұрып, қайта атқа отыруына көмектестім. Ол құлап қалса, аттар басып кетуі мүмкін еді, – деді «Ұлы дала батыр» төсбелгісінің иегері Алдияр Уайсхан.
17 адам Алматы облыстық дене шынықтыру және спорт басқармасының, 18 адам облыстық дене шынықтыруды және спортты дамыту орталығының Алғысхатымен марапатталды. Олардың қатарында спорт ардагерлері, үздік жаттықтырушылар мен спортшылар, білім және спорт ұйымдарының белсенді қызметкерлері бар.
«Ұлттық спорт жанашыры» төсбелгісімен 9 адам, 80-нен аса спортшы мен жаттықтырушы Алматы облысы «Бәйге» федерациясының Алғысхатымен марапатталды.
